ကြက်သားမရမ်းပြားမွန်ချက်

မြူနှင်းဝေတဲ့ ဆောင်းနေ့လည်မျိုးမှာ ပူပူစပ်စပ်လေးနဲ့ ချွေးပြန်စရာ ကြက်သားမွန်ချက်လေးနဲ့ မိတ်ဆက်ပေးအုံးမယ်နော်
မြန်မာပြည်တနံတလျားက တိုင်းရင်းသားတွေ တွေ့ဆုံရာကနေ ဒီဟင်းလေးချက်တတ်ခဲ့တာပါ။ ဒီဟင်းလေးကိုသင်ပေးခဲ့တဲ့ မွန်မ(ကျွန်မတို့ကချစ်စနိုးခေါ်တာပါ ) သို့မဟုတ် တင်မိုးကိုကျေးဇူးတင်ကြောင်းဒီနေရာကနေမှတ်တမ်းတင်ပါရစေ။
မရမ်းပြားကို ဟင်းအဖြစ် အခုလိုချက်စားလို့ကောင်းမှန်း သူနဲ့တွေ့မှ သိခဲ့ရတာပါ။

ပါဝင်တာကတော့

၁။ ကြက်အရိုးအသားရောရာ ၁၀သား
၂။ ကြက်သွန်ဥနီ အနေတော် ၁ဥ
၃။ ငရုတ်သီးစိမ်း ၁၀တောင့်
၄။ စပါးလင် အနေတော် ၁ဥ
၅။ စိမ်းစားငါးပိ မန်ကျည်းစေ့ခန့်
၆။ ဆနွင်း အနည်းငယ်
၇။ ဆား ။
၈။ ဟင်းခတ်မှုန့် ။
၉။ဆီ ထမင်းစားဇွန်း ၁ဇွန်း
၁၀။ ရေ ၅၀၀ ml
၁၁။ မရမ်းပြားအိုးစိမ် ၈ပြားခန့်
၁၂။ နံနံပင် အနည်းငယ်

ပြုလုပ်ပုံအဆင့်ဆင့်

ဦးစွာကြက်သားများကို တလုပ်စာအနေတော် တုံးပါ။ပြီးလျှင် ရေဆေးပြီး ဆနွင်း ၊ ဆား၊ငါးပိ၊ဟင်းခတ်မှုန့်ဖြင့်ရောလူးပြီ း နှပ်ထားပါ။ မွန်ဟင်းအများစုသည် အသားငါးကို ဆနွင်း၊ ဆား ၊ ငါးပိဖြင့်နယ်ပြီးချက်လေ့ရှိကြသည်။
ပြီးလျှင်စပါးလင်ကို အနေတော် ပ်ိုင်းပြီး အရင်းပိုင်းကိုကြေအောင်ထုထည့်ပါ။
ကြက်သွန်နီကို မညက်တညက် ထောင်းပါ။ မရမ်းပြား လည်းထည့်ထောင်းပါ၊ ပြီးလျှင် ငရုတ်သီးစ်ိမ်းလုံး ကွဲထောင်းပြီး ဟင်းအိုးထဲထည့်ပါ။ ဆီထည့်ပါ။
အသားမြုပ်ရုံရေထည့်ပြီးဆူအောင်တည်ပါ။ ပွက်ပွက်ဆူလာလျှင် အရေသောက်အနည်းတော်ရရန်ရေထပ်ရောပါ။ အပေါ့အငန် မြည်းကြည့်ပါ။ နံနံပင်အုပ်၍ စားသုံးရန်အသင့်ဖြစ်နေပါပြီ။