စိတ်ဒဏ်ရာများမှ လွတ်မြောက်ဖို့
*******************************
စိတ်ဒဏ်ရာဆိုတာ ကိုယ်တိုင် ခွင့်ပြုထားလို့
နာကျင်ရတဲ့ ခံစားချက် တစ်ခုပါ ။
တစ်ခါ နာကျင်ရတာဟာ ကိုယ် မသိလိုက်လို့ပါ ။
နှစ်ခါ နာကျင်ရတာဟာ ကိုယ် မျှော်လင့်မိလို့ပါ ။
သုံးခါ နာကျင်ရပြီဆိုရင်တော့ ကိုယ် ညံ့လို့ပါ ။
စိတ်ဒဏ်ရာဆိုတာ ပေးသူက တစ်ခါပဲ ပေးလိုက်တာပါ ။
ဒီဒဏ်ရာကြီးကို သိမ်းဆည်းပြီး ဘဝနောက်ဆုံးချိန်ထိ သယ်ဆောင်သွားတာက မိမိရဲ့ စိတ်ပါပဲ ။ ဒါကြောင့် ကိုယ့်ကို စိတ်ဒဏ်ရာပေးသူတွေနဲ့ ကြုံလာရတိုင်း သင်ခန်းစာယူပြီး ခွင့်လွှတ်ပေးလိုက်ပါ ။
ဒီ ခွင့်လွှတ်ခြင်းဟာ သူ့ကို ချစ်လို့မဟုတ်ဘဲ ကိုယ့်ကိုယ်ကိုယ် ချစ်လို့ပါပဲ ။ အချိန်စောစော ခွင့်လွှတ်နိုင်လေ အချိန်စောစော လွတ်မြောက်နိုင်လေပါပဲ ။ မိမိ စိတ်ကို လေးလံစေမယ့် ဘယ်လို စိတ်ဒဏ်ရာမျိုးကိုမဆို ခွင့်လွှတ်ခြင်းနဲ့သာ ကျေအေးပေးလိုက်ပါ ။
ဘဝမှာ စိတ်ထဲ နှလုံးသားထဲ သယ်ဆောင်သွားဖို့ရာ မြတ်နိုးဖွယ်ရာ အလှတရားတွေ ချစ်ခြင်းမေတ္တာတွေ အများကြီး ကျန်ရှိနေပါသေးတယ် ။
#ယူနိုရာ