လူတော်တော်များများ ခံစားချက်မပါဘဲ ပြောကြတာက
“ တောင်းပန်ပါတယ် ” ဆိုတဲ့ စကားလုံးပါပဲ ။

သူတို့ လိုချင်တာက “ တောင်းပန်ပါတယ် ” လို့ ပြောလိုက်တာနဲ့ တစ်ဖက်လူက ဘာမှမဖြစ်သလို အဆင်ပြေပြီး အရင်လို ပြန်ပျော်ရွှင်သွားမယ်လို့ ထင်လိုက်ကြတယ် ။ သူတို့ တာဝန်ကြေသွားပါပြီပေါ့ ။ အမှန်တော့ တကယ် စိတ်မကောင်းဖြစ်လို့ မဟုတ်ဘဲ ကိုယ့်ကိုယ်ကိုယ် စိတ်သက်သာရာရအောင် လုပ်နည်းတစ်မျိုးပါပဲ ။

တစ်ဖက်လူရဲ့ နာကျင်ခြင်း ၊ ခံစားရခြင်းတွေကို ထည့်မတွက်ကြတော့ဘူး ။ တစ်နည်းအားဖြင့် ကိုယ်ချင်းစာစိတ်
မရှိတာပေါ့ ။ ကိုယ် မခံရတိုင်း သူများရဲ့ ခံစားချက်ကို ထည့်မတွေးပေးကြဘဲ လွယ်လွယ်ကူကူ ‌ပြဿနာ‌ဖြေရှင်းလိုက်ခြင်းပါပဲ ။

ပန်းကန်တစ်ချက်ကို ခွဲလိုက်ပြီး တောင်းပန်ပါတယ်လို့ ပြောကြည့်လိုက်ပါ ။ အကောင်းအတိုင်း ပြန်ရလားဆိုတာ‌ကိုပေါ့ ။ ဒီလိုပဲ နုနယ်တဲ့ နှလုံးသား တစ်စုံမှာလည်း
“ တောင်းပန်ပါတယ် “ လို့ ပြောလိုက်တိုင်း ပုံမှန်အတိုင်း အကောင်းအတိုင်း ပြန်မဖြစ်နိုင်ပါဘူး ။

သုံးခါထက် ပိုတဲ့ တောင်းပန်ခြင်းတွေဟာ တကယ်တော့ ဆင်ခြေသပ်သပ်တွေပါပဲ ။ ခံစားရတဲ့သူတွေ ပြောင်းလဲသွားတော့မှသာ ပြောင်းလဲသွားတယ်နော် ဆိုပြီး အပြစ်ဖို့ချင်ကြတယ် ။ အဲ့ဒီသူတွေ ပြောင်းလဲသွားအောင်ပဲ အထပ်ထပ်အခါခါ နာကျင်ခြင်းတွေ ပေးခဲ့ကြတယ် ။

#ယူနိုရာ #ကဗျာ_poem