#ဘဲဥငံပြာရည်ချက်နည်း
°°°°°°°°°°°°°°°°
ဘဲဥ....................၅လုံး
ပုစွန်ငံပြာရည်........၁/၂ခွက်(လက်ဖက်ရည်ပန်းကန်)
ပုစွန်ခြောက်...........၂ဇွန်း (ထမင်းစားဇွန်း)
ကြက်သွန်နီ.............၂လုံး
ကြက်သွန်ဖြူ .. .........၅တက်
ငရုတ်ကြမ်းမှုန့်........၁/၂ ဇွန်း
ငရုတ်လှော်မှုန့့်.. ......၁/၂ ဇွန်း
ဟင်းခတ်မှုန့်.. ...........အနည်းငယ်
ဘဲဥကို ကျက်အောင်ပြုတ်ပြီး ရေအေးလောင်း၊ရေအေးစိမ်ကာအခွံခွာပါ။ ပတ်လည်ကို
ဓားပါးလေးဖြင့်မွှန်းထားပါ။
ပုစွန်ခြောက်ကိုမညှက်တညှက်လေးထောင်းပါ။
ကြက်သွန်နီ၊ ကြက်သွန်ဖြူ ကိုခပ်နုပ်နုပ်လေး
စဉ်းလှီးပါ။
ဒယ်အိုးတစ်လုံးမှာဆီအနည်းငယ်ကိုအပူပေး
ပြီးကြက်သွန်နီ၊ ဖြူ ကို နနွင်းမှုန့်အနည်းငယ်နှင့်အတူဆီသတ်ပါ။
အနည်းငယ်မွှေးလာလျှင်ထောင်းထားသောပုစွန်
ခြောက်ကိုထည့်ကြော်ပါ။
ပုစွန်ခြောက်တွေဆီပူပူမှာအမြုပ်ထာလာလျှင်
ဦးစွာငရုတ်သီးခွဲ ကြမ်းထောင်းကိုထည့်ပါ။
ထို့နောက်ငရုတ်လှော်မှုန့်ထည့်မွှေပြီးပုစွန်ငံ
ပြာရည်လောင်းထည့်ပါ။ရေကိုလည်းငံပြာရည်နှစ်ဆထည့်ပေါင်းပြီးဟင်းခတ်မှုန့်ဖြင့်အရသာဖြည့်ပါ။
ဓားနဲ့မွှန်းထားတဲ့ဘဲဥတွေကိုထည့်ပါ။
ထည့်ထားတဲ့ရေခမ်းသွားချိန်ဆိုဘဲဥအသားတွေတင်းလာပါမယ်။
နောက်တစ်ကြိမ်ရေ ပြန်ထည့်ပြီးပွက်လာတာနဲ့မီးဖိုပေါ်မှချပါ။
တို့စရာအဖြစ်ကတော့မိမိနှစ်သက်ရာပြုလုပ်နိူင်ပေမယ့်
ခရမ်းသီးပြုတ်၊ ရုံးပတီသီးပြုတ်၊ ဗူးသီးပြုတ်
လတ်ဆတ်တဲ့ဂေါ်ဖီရွက်၊သခွားသီး၊သရက်သီးစိမ်းစသည်တို့ဖြင့်ပိုမိုလိုက်ဖက်မှုရှိပါတယ်။
