အာလူးချဉ်စပ်ချက်နည်း
ထမင်းမြိန်စေမဲ့သတ်သတ်လွတ်အာလူးချဉ်စပ်ဟင်းလေးကချက်ရလွယ်ကူမြန်ဆန်တဲ့ဟင်းတခွက်လည်းဖြစ်ပါတယ်။ဆိုဖီယာတော့ဆီပြန်ဟင်းတွေကိုအချိန်ပေးပြီးတမနက်ခင်းလုံးချက်ရတဲ့ဟင်းတွေထက်စာရင်ခုလိုခုကြော်ခုစားအကြော်ဟင်းပွဲလေးတွေပိုနှစ်သက်ပါတယ်။ ပါဝင်ပစ္စည်းများကြိုတင်လှီးဖြတ်ထားပြီးစားခါနီးမှသာလျှင်ကြော်ပြီးပူပူနွေးနွေးသုံးဆောင်နိုင်ပါတယ်။ချက်ကြည့်ရအောင်နော် ။
ပါဝင်ပစ္စည်း
******
အာလူး - ၅လုံး အနေတော်
ကြက်သွန်နီ - အနေတော် ၂လုံး
ဂျင်းကြက်သွန်ဖြူ -တဇွန်း လ္ဘက်ဇွန်း
ဆား -ဇွန်းတဝက်
ဟင်းခပ်မှုန့် - တစ်ဇွန်း
ငရုပ်ချဉ် - တစ်ဇွန်း စားပွဲဇွန်း
(စျေးတွင်ရှမ်းချဉ်ဖြင့်တွဲရောင်းသောငရုတ်ချဉ်)
ခရမ်းချဉ်သီး -တစ်လုံး
ကြက်သွန်မိတ်/ရှမ်းနံနံ - နှစ်ပင်
ငရုပ်သီးစိမ်းနီ - ၃ တောင့်
သံပုရာသီး - တစ်ခြမ်း
ဆီ - လိုသလောက်
ပြင်ဆင်ချက်ပြုတ်ပုံ
************
(၁)ဦးစွာပထမအာလူးကိုအခွံသင်ရေဆေးသန့်စင်ပြီးလိုသလိုလှီးဖြတ်ပါ။
(၂)ကြက်သွန်နီမထူမပါးလှီးထားပါ။ခရမ်းချဉ်သီးအမြောင်းခပ်ထူထူစိတ်ထားပါ။ငရုပ်သီးထပ်ခြမ်းခြမ်းထားပါ။ကြက်သွန်မိတ်ရှမ်းနံနံတစ်လက္မအရှ ည်ဖြတ်ထားပါ။
(၃)အားလုံးအဆင်သင့်ဖြစ်ပါကဒယ်အိုးတွင်ဆီထည့်ပြီးအပူပေးပါ။(ဆီအနည်းငယ်ပိုထည့်ပေးမှဟင်းပွဲလှပါတယ်။)
(၂)ဆီပူလျှင်ကြက်သွန်ထည့်ပြီးကြော်ပါ။မီးပြင်းဖြင့်အရောင်ပြောင်းရုံကြော်ပါ။ငရုပ်ချဉ်နှင့်ဂျင်းကြက်သွန်ဖြူထည့်ကြော်ပါ။အာလူးလှီးထားသည်ကိုထည့်ပါ။
(၃)အာလူးအရောင်ပြောင်းရုံကြော်မိပြီးပါကဆားနှင့့်ဟင်းခပ်မှုန့်ထည့်ပါ။
ကြက်ပြုတ်ရည်သို့မဟုတ်ရေအနည်းငယ်ထည့်ပေးပါ။အာလူးကျက်ရုံနည်းနည်ဆီထည့်ပါ။
(၄)အာလူးကျက်ပါကသံပုရာသီးညစ်ပြီးအရသာအပေါ့အငံမြည်းပါ။ငရုပ်သီးခြမ်း၊ခရမ်းချဉ်သီးကြက်သွန်မိတ်သို့မဟုတ်ရှမ်းနံနံထည့်ပြီးသမအောင်မွေကာမီးဖိုမှချတည်ခင်းသုံးဆောင်နိုင်ပါပြီ။(အရည်စပ်စပ်ဖြင့်ချပါ။တအားခြောက်ပြီးနွမ်းလျှင်စားမကောင်းပါ။)
မူရင်းရေးသားသူအား လေးစားစွာဖြင့် Credit ပေးပါတယ်
