ဆင်မကပေးသော
မှတ်သားဖွယ်ရာ သင်ခန်းစာ

(သင်ခန်းစာ ပုံပြင်လေးပါ)

တစ်ခါက ဆင်မတစ်ကောင်နဲ့
ခွေးမတစ်ကောင်တို့ဟာ တစ်ချိန်တည်း
ကိုယ်၀န်ဆောင်ကြပါတယ် ။

သုံးလကြာတဲ့အခါ ခွေးမဟာ
ခွေးလေး (၆)ကောင်မွေးပါတယ်။

နောက် (၆)လမြောက်မှာခွေးမက
ကိုယ်၀န် ထပ်ဆောင်ပြန်ပါတယ်။

ကိုးလရောက်တော့
ခွေး (၁)ဒါဇင် ထပ်မွေးပြန်ပါတယ်။

အဲဒီအတိုင်းပဲ လည်ပတ်ရင်း (၁၈)လ
ကြာတဲ့အခါခွေးမဟာ (၃)ကြိမ် ကိုယ်၀န်ဆောင်ပြီး
(၃)ခါ မွေးပြီးသွားပါပြီ။

ဆင်မကတော့ ကိုယ်၀န်ဆောင်နေတုန်းပါပဲ။
ဒီတော့ ခွေးမက ဆင်မ ကိုမေးပါတယ်။

`ဟဲ့ ဆင်မ နင့်ဟာက ကိုယ်၀န်ရော ဟုတ်ရဲ့လားဟယ်
ငါဆိုရင် ကလေး (၃)ခါမွေးပြီး တချို့တွေဆို
ခွေးကြီးတွေတောင်ဖြစ်နေကြပြီ ၊

နင်က ခုထိ ကိုယ်၀န်ဆောင်နေတုန်းပဲလား
ဒီတော့ ဆင်မက ပြန်ဖြေပါတယ်။

`ဒီမှာ မခွေးမ ......
နင်ပြောတာကို ငါနားလည်ပါတယ်။

ဒါပေမယ့် ငါလွယ်ထားတာ ဆင်ပါ
ခွေးမဟုတ်ပါဘူး ၊ ငါဟာ တစ်ခါမွေးဖို့
(၂)နှစ် ကိုယ်၀န်ဆောင်ရပါတယ်။

ငါ့ကလေး မွေးလာတဲ့အခါ မြေကြီးက
သိတယ် ၊ ဒီဆင်ကလေး လမ်းလျှောက်တဲ့အခါ
လူတွေတစ်အံတဩနဲ့ ရပ်ကြည့်ကြလိမ့်မယ် ။

ဒီလို ခွန်အားကြီးမားပြီး လူတွေစိတ်၀င်စားရတဲ့
သန္ဓေသား ကိုယ်၀န်ကို လွယ်ထားရတာကြောင့်
အချိန်ဒီလောက်ကြာနေတာပါ။

ပေးချင်တဲ့ သင်ခန်းစာကတော့ဗျာ

အခြားသူတွေ အောင်မြင်သွားချိန်မှာ သင်
မအောင်မြင်သေးလို့ သင့်ယုံကြည်မှုတွေ
မပျောက်ဆုံးပါစေနဲ့။

ကြီးမားတဲ့အောင်မြင်မှုကို ရဖို့ မဆုတ်မနစ်ဇွဲ ၊
ယုံကြည်မှုနဲ့ အချိန်တွေအများကြီး ရင်းရပါတယ်။

သင်လွယ်ထားရတဲ့ အောင်မြင်မှုဟာ
အခြားသူတွေထက် အများကြီးပိုနိုင်ပါတယ်။

အဲဒီတော့ အခြားသူတွေကို မြင်ပြီး
စိတ်ဓာတ်ကျ ဖြစ်နေမဲ့အစား ...

ကိုယ့်ရဲ့မနက်ဖြန်ကို ယုံကြည်မှုခွန်အား
အပြည့်နဲ့ လျှောက်လှမ်းလိုက်ပါ
မိတ်ဆွေတို့ရေ ...

အောင်မြင်မှုကို ရယူနိုင်ကြပါစေ ...

#credit