ဒီညနေ ကြက်သားဆီချက်
ခေါက်ဆွဲပါ
ကြက်သား ၁၅ ကျပ်သား
အသားသက်သက်တုံးထားတာကိုသန့်စင်ရေဆေးပြီးအိုးတလုံးမှာထည့်ရေမြုပ်အောင်
ထည့်ပြီးချင်းထူထူသုံးပြား
ကြက်သွန်ဖြူဥ တလုံး ဆားအချိုမှုန့်
နဲနဲထည့်ပြီးနူးအောင်ပြုတ်ပါ ကြက်သားပြုတ်ထားတာရရင်အတုံးသေးသေးလှီးပြီးပန်းကန်တခုမှာထည့်ပါ
အိုးထဲကိုရေနဲနဲထပ်ထည့်ပြီးဟင်းချိုရည်တည်ထားပါ
မြန်မာကြက်သွန်ဖြူဥသေးကိုနွှာပြီးစင်းလှီးကာဆီချက်
ချက်ထားပါ ကြက်အဆီနှင့်ဆီချက် ချက်တာမကြိုက်လို့
မချက်ပါဘူး
အိမ်မှာစိုက်ထားတဲ့ကြက်သွန်မိတ်ကိုပဲဖြတ်ပြီးရေဆေးပြီးလှီးထားပါတယ်
အိုးတလုံးမှာရေများများ
ထည့်ပြီဆူအောင်တည်ပြီးငွေကြယ်ဖြူတံဆိပ်ခေါက်ဆွဲ
အစည်းတဝက်ကိုပြုတ်ပြီးစကာနှင့်စစ်ထားပါ
စတီးဇလုံတခုမှာဟင်းခတ်ဇွန်း
နှင့်ခရုဆီ ၁ ဇွန်း ပဲငံပြာရည်အကြည် ၃ ဇွန်း ကြက်သွန်ဖြူ
ဆီချက် ၄ ဇွန်း အချိုမှုန့်ဇွန်းထိပ်ဖြားလောက်ထည့်ပြီးသမ
နှံ့စပ်အောင်မွှေပြီးခေါက်ဆွဲပြုတ်ရေစစ်ထားတာထည့်ပါ
သမနှံ့စပ်အောင်အထက်
အောက်လှန်ပြီးမွှေပေးပါ
အရသာမြည်းကြည့်ပါ
အနေတော်ဆိုရင်ပန်းကန်ပြား
တခုမှာထည့်ပြီးကြက်သား
ပြုတ်လှီးထားတာဖြူးထည့်ပါ
ကြက်သွန်မိတ်ဖြူးထည့်ပါ
ကြက်သွန်ဖြူဆီချက်အဖတ်
ဖြူးထည့်ပါ ကြက်သားဆီချက်ခေါက်ဆွဲရပါပြီ
တည်ထားတဲ့ကြက်ပြုတ်ရည်ကိုဆားအချိုမှုန့်ထည့်ပြီးအရသာမြည်းကြည့်ပါ အနေ
တော်ဆိုရင်ဟင်းချိုပန်းကန်
လုံးထဲလောင်းထည့်ပြီးကြက်သွန်မိတ်လှီးထားတာဖြူးထည့်ပါ ငရုတ်ကောင်းမှုန့်ဖြူးပေးရင်ဟင်းချိုရပါပြီ
အချဉ်ကသခွားသီးကိုရေဆေးပြီးအမျှင်လှီးကာပန်းကန်တခုမှာထည့် ချီတို
ငရုတ်ဆီဆမ်းပေးရင်အချဉ်ရပါပြီ
စားကောင်းကြပါစေရှင်
#cooking
