မိန်းကလေးတွေမှာ လှပမှုအတွက်
ဘဝအပိုင်းအခြား သုံးမျိုးရှိပါတယ်။

ဆယ်ကျော်သက်အရွယ်မှာ မလှဘူးဆိုရင်
ဒါဟာ ဘဝပေးရုပ်ရည်နဲ့ ၊မိဘရဲ့ စီးပွါးရေးအခြေအနေကြောင့်ပါ။

၂၀ကျော်မှာ လှမလာသေးဘူးဆိုရင်တော့
ဆယ်ကျော်သက်အရွယ်မှာ ၂၀ကျော်အတွက်
ဘာ investmentမှ မလုပ်ခဲ့လို့ပါ။

အဲဒီလိုပဲ အသက်၃၀ကျော်မှာ ကျက်သရေရှိစွာနဲ့
လှမလာခဲ့ဘူးဆိုရင် ၂၀ကျော်အရွယ်မှာ
နောက် ၁၀နှစ်အတွက် ဘာ investment မှ
ကောင်းကောင်းမလုပ်ခဲ့လို့ပါပဲ။

အမျိုးသမီးတစ်ယောက် ကိုယ်ပိုင်ဝင်ငွေ ရဖို့အတွက် ပညာရေးမှာ investment မလုပ်ခဲ့ဘူးဆိုရင်
ဝင်ငွေထဲက အချို့ကို အသားအရည်အတွက် skincare တွေအပေါ် investment မလုပ်ခဲ့ဘူးဆိုရင်
ကိုယ့်အသက်အရွယ်နဲ့ လိုက်ဖက်တဲ့ အဝတ်အစားပုံစံကို စိတ်ဝင်တစား ဝယ်ခြမ်းဖို့ မလုပ်ခဲ့ဘူးဆိုရင်
အသက်အရွယ်နဲ့လိုက်တဲ့ တွေးတောဆင်ခြင်မှုရှ်ိစေဖို့ အသိုင်းအဝိုင်း ၊မိတ်ဆွေတွေ မရှိခဲ့ဘူးဆိုရင် ကိုယ်တိုင်လည်း ဆက်ပြီး learningလုပ်မနေဘူး၊ အသက်ကြီးလာတိုင်း တိုးတက်လာမှုမရှိဘဲ ဒီအခြေအနေပဲဆိုခဲ့ရင် ဒါဟာ ကိုယ့်ကိုကိုယ် နောက်ဆယ်နှစ်အတွက် ဘာရင်နှီးမြုပ်နှံမှုမှ လုပ်မနေတာပါပဲ။

ဘဝရဲ့ Changesတော်တော်များများက ဝုန်းဒိုင်းကြဲပြီး ပြောင်းလဲ မသွားဘူးလို့ ကျွန်မမြင်ပါတယ်။နောက်ဆယ်နှစ်မှာ အရာရာလှပဖို့ ဒီဆယ်နှစ်တာ ကာလမှာ ကျွန်မတို့ အရာရာကို သင်ယူရ ၊လေ့လာရ ၊မျှဝေရ ၊ကြိုးစားရ ၊ခံစားရ ၊လက်လွှတ်ကြရပါတယ်။ဒီနေရာမှာပြောခဲ့တဲ့ လှပတယ်ဆိုတာ ရုပ်ရည်တစ်ခုတည်းကို ဆိုလိုချင်တာမဟုတ်ဘဲ အသိဥာဏ်၊အတွေးအခေါ် သဘောထား အားလုံးပါတဲ့ ဘဝလှပတာကို ပြောချင်တာပါပဲ။

ဘယ်နေရာကနေ လာခဲ့ရသလဲဆိုတာ ကောင်းကောင်းသိတဲ့သူတွေကပဲဘယ်ကိုဆက်သွားရမယ်ဆိုတာ သေချာသိကြတယ်မဟုတ်လား။

အချစ်တွေနဲ့ ရေးတဲ့ စာမို့ အမှားတွေပါရင် နားလည်ပေးပါဦးနော်။

Credit to Author Moe Myint Man ❤️
#crd