မကျေနပ်တာရှိရင် ပွင့်ပွင့်လင်းလင်းပြောပြတာပဲ ကြိုက်တယ် ။ ကိုယ်ကိုယ်တိုင်ကလည်း တစ်ယောက်ယောက်နဲ့ ပတ်သက်ပြီး စိတ်ထဲဘဝင်မကျရင် အကြောင်းအရာကို တည့်ပြောလိုက်တာပါပဲ။

တစ်ချို့ကျ လူကို ရုတ်တရက်ကြီး ဘာထဖြစ်မှန်းမသိ အကောင်းကြီးကနေ ထဖောက်တာတော့ အဆင်မပြေဘူး။ ကိုယ် ဘာဖြစ်ချင်နေတယ် ဘာဖြစ်နေတယ်ဆိုတာ ကိုယ်မပြောရင် ဘယ်သူမှ မသိနိုင်ပါဘူး ။

မပြောဘဲနဲ့ သိစေချင်တာဆိုတာကြီးကလည်း တစ်ဇွတ်ထိုး တစ်ဖက်သတ်ဆန်လွန်းပါတယ် ။ ဘယ်သူကမှ fortune teller မဟုတ်နေတာကို ဘယ်လိုလုပ် မပြောဘဲသိနိုင်မှာလဲ။

သိစေချင်ရင်ပြောပြပေါ့
ဘာကတော့ ဘယ်လိုရှိတယ်
ဒီလိုလုပ်လိုက်တော့ ငါတော့ စိတ်မကောင်းဖြစ်သွားတယ် … ပြောလိုက်ရင် က်ိစ္စကပြီးသွားပြီ။

တောင်းပန်ဖို့ လိုရင် တောင်းပန်စရာရှိတဲ့သူကတောင်းပန်လိုက်မယ်။
ချက်ချင်းမကျေနပ်နိုင်ရင်တောင် ကိုယ်ပြောပြလိုက်လို့ တစ်ဖက်လူက သိသွားရင် စိတ်ထဲပေါ့ပါးသွားတာပဲ မဟုတ်လား။

တစ်ခုခုဆို ထစ်ကနဲရှိ ခေါ်ချင်သလို မခေါ်ချင်သလို ခုတစ်မျိုး တော်ကြာတစ်မျိုး လူစားမျိုးတွေဆို ဆက်ဆံရတာ တကယ်အဆင်မပြေပါဘူး။

ပွင့်ပွင့်လင်းလင်းနဲ့ ဖြစ်ချင်တာကို သဘာဝကျကျပြောပြီး လက်တွေ့ဆန်တာမျိုးကပဲ နှစ်ဦးနှစ်ဖက်အတွက် အဆင်ပြေစေပါတယ် ။

ပြေလည်တဲ့ဆက်ဆံရေးတစ်ခုရဖို့ဆို
ပွင့်လင်းမှုက အဓိကပါပဲ ။

🌻🤍
Crd