Crd..TravelholicDiaryMyanmar
စိတ်အဆင်မပြေတဲ့နေ့တွေမှာ အကောင်းမြင်စိတ်တွေ တဖြည်းဖြည်းမဆိတ်သုဉ်းသွားအောင် ကြိုးစားနေထိုင်ရတာလည်း ကြီးမားတဲ့အခက်အခဲ ရုန်းကန်မှုကြီးတစ်ခုပါပဲ...
လက်ရှိမှာ ကိုယ်တစ်ယောက်ထဲမှမဟုတ်ဘူး လူအများစုလဲတူတူဖြစ်နေတာတော့ အသေအချာပဲ...အလှမ်းဝေးတဲ့ အနာဂတ်မပြောနဲ့ တစ်ရက်ချင်းစီတောင် တစ်စစီလိုက်ကောက်ရင်း ရှင်သန်ဖို့ မနဲကြိုးစားနေရတယ်... ကိုယ်ရဲ့ဖြစ်တည်မှုနဲ့ ဘဝတူတွေ ကိုယ့်ပတ်ဝန်းကျင်ကို ဘယ်လိုကူညီနိင်မလဲ တွေးတယ် ဒါမှလဲ ကိုယ်အသက်ရှင်ရတာ ပိုတန်ဖိုးရှိတယ်လို့ခံစားရမှာကိုး ကိုယ်စိတ်တောင်ကိုယ်အဆင်မပြေပဲ ကူညီဖို့ဆိုတာတော့မလွယ်ပါဘူး နည်းနည်းလေးမှားတာနဲ့ Negative Black Hole ကြီးထဲကျပီး ပြန်မထွက်လာနိုင်တဲ့ရက်တွေလဲအများကြီးပဲ...ကိုယ်ဝမ်းနည်းတဲ့အကြောင်းတွေ ဝမ်းသာတဲ့အကြောင်းတွေလဲ မပြောချင်တော့ပဲ တိတ်ဆိတ်လာမိတယ် ဝမ်းသာပြတော့ မနာလိုခံရ ဝမ်းနည်းပြတော့ မျက်ရည်ချူတယ်ပြောကြမယ့်လူတွေကိုလဲ ကြောက်မိတယ်...
စိတ်အကြည်ဓါတ်လေးတွေပြန်ရအောင် ကြိုးစားဖို့ အရင်ကဖာသိဖာသာနေမိတဲ့ အသေးအမွှားကိစ္စလေးတွေမှာ စိတ်ကို ကြံဖန်ကြည်နူးတတ်အောင် ကျေးဇူးတင်တတ်အောင်နေရတယ်... ဥပမာ မနက်နိုးလာရင် ခြံထဲက စံပါယ်ပန်းလေးတွေ ခူးပီး ဘုရားကပ်ရတာ.... မိုးရွာတဲ့နေ့မှာ မိုးရေခံရင်း ရေနွေးပူပူလေးကြိုသောက်ရတာမျိုး.... ကိုယ်စိတ်တိုင်းကျငှားနေတဲ့အိမ်လေးမှာ တောင်တန်းတွေကိုမြင်နိုင်တဲ့ ပြတင်းပေါက်လေးရှိတာကို ကျေနပ်ကျေးဇူးတင်ရတာ... လက်တွေ့မှာ မဆုံဖြစ်တော့တဲ့ သူငယ်ချင်းတွေကို အမြဲစကားမပြောဖြစ်ရင်တောင် social media ပေါ်ကနေ လှမ်းကြည့်ရင်း အဆင်မပြေဘူးထင်တဲ့အခါ အချင်းချင်းအားပေးကြတာ... တစ်ပတ်တစ်ခါ ရှိတဲ့သူငယ်ချင်းလေးတွေစုပီး ဟင်းအတူချက်စား ရုပ်ရှင်တူတူကြည့် ရှေးဟောင်းနှောင်းဖြစ်တွေပြန်ပြောရတာ...ခွေးလေးကြောင်လေးတွေနဲ့ ပွေ့ဖက် ကစားရတာ... အများကြီးတော့မဟုတ်ပေမဲ့ ဒီလိုမျိုးလေးပဲ ဖြေသိမ့်ရင်း စိတ်ခွန်အားပြန်ယူနေရတာပေါ့...ကျန်တာတော့ အရင်ကလို အိမ်မက်တွေ စိတ်ကူးတွေနောက်လိုက်ပီး ဖြစ်ချင်တဲ့စိတ်တွေ ဖြစ်တည်မှုတွေလဲ ခုချိန်မှာမရှိချင်တော့ပါဘူး...
ခုချိန်မှာ အားလုံးလဲ စိတ်ပင်ပန်းနွမ်းလျနေမယ်ဆိုတာသိပါတယ်...
အခြေအနေ အကြောင်းအမျိုးမျိုး သတင်းအမျိုးမျိုးကြားမှာ ခက်ခဲလာတဲ့တစ်ရက်ချင်းစီကို အားတင်းထားပီး ကြိုးစားရှင်သန်ကြမယ်နော် အဆိုးတွေပဲတွေးနေ မြင်နေရင် စိတ်တွေပိုပီးကျလာမှာမို့ ဘယ်လောက်ပဲလက်တွေ့မဆန်ပါစေ ကိုယ့်စိတ်ကို ခွန်အားဖြစ်စေတဲ့ အရာလေးတွေနဲ့ ပျော်ရွှင်ပီး ကျေးဇူးတင်တတ်တဲ့နှလုံးသားလေးအမြဲပိုင်ဆိုင်ပါစေလို့ ချစ်သောတွေအတွက် ဆုတောင်းပေးပါတယ်...
အေးရိပ်ရဲ့ ကဗျာလေးလိုပေါ့ " ဘယ်သူကိုမှမစောင့်ပဲ ပန်းလေးတစ်ပွင့်ဟာ ပြုံးနေခွင့်ရှိပါတယ် မင်းဟာ ညဏ်သိပ်မကောင်းတဲ့ ပန်းလေးပါ ဒါပေမယ့် သတ္တိတော့ သိပ်ရှိတယ်မဟုတ်လား" 🌸
အားလုံးအစစအရာရာဂရုစိုက်ပါရှင် 💖
#travelholicdiarymyanmar