မွေးကင်းစကလေးများအတွက်ဆောင်ရန်ရှောင်ရန်နည်းလမ်းအသွယ်သွယ် …🤍

လူသားတယောက် လောကကြီးထဲကိုရောက်ရှိလာပြီး ရှင်သန်ကြီးထွားလာတယ်ဆိုတဲ့ အရာက အထူးတလည်မဟုတ်ဘူးလို့ ထင်ရပေမယ့် တကယ်ဆို လူတယောက် ကြီးထွားလူလားမြောက်လာအောင် ငယ်ရွယ်တဲ့ အချိန်မှာ အဓိကဂရုစိုက်ပေးရတာကတော့ (မိဘတွေ)အထူးသဖြင့် မိခင်တွေရဲ့ တာဝန်တရပ်ပါ။

ကလေးလေးမွေးလာပြီဆိုတာနဲ့ အရင်ဆုံးထိတွေ့ရတာမိခင်ပါပဲ။ဒါကြောင့်မိခင်တွေရဲ့ စိစပ်သေချာစွာ ဂရုစိုက်မှုက အရွယ်မရောက်သေးတဲ့ ကလေးငယ်တွေအတွက် အလွန်ပင်အရေးပါလှတယ်။

မွေးကင်းစငယ်ရွယ်တဲ့ အချိန်မှာ မိခင်တွေရဲ့ ဂရုစိုက်မှု၊ပြုစုကြင်နာယုယမှုတွေကြောင့်သာ ကလေးတွေရဲ့ ကျန်းမာရေးက အဓိကကျနေတာမို့ ဒီလိုပြောပြနေရခြင်းပါ။

ဒါဆို မိခင်တယောက်က ဘယ်လိုအချက်တွေနဲ့ မွေးကင်းစကလေးကို ပြုစုသင့်လဲ ကြည့်လိုက်ကြရအောင်ပါ...👶👶👶

(၁)ကလေးလေးမွေးလာပြီဆိုတာနဲ့ မိခင်နို့ရည်(နို့ဦးရည်) ကိုပထမဆုံးတိုက်ကျွေးသင့်ပါတယ်။

(၂) မွေးကင်းစကလေးကို ရေလုံးဝမတိုက်ရပါဘူး။

(၃) ကလေးကို အနှီးနဲ့ သေချာစွာထုတ်ပြီး ခြင်ယင်မကိုက်အောင်ထားသင့်ပါတယ်။

(၄)နေ့လည်နေ့ခင်းတွေမှာမွေးကင်းစကလေးတွေက အိပ်တတ်တဲ့အတွက် အမြဲမအိပ်စေပဲ မိခင်နို့ရည်ဝင်အောင် ခနခနတိုက်ကျွေးရပါမယ်။

(၅)မွေးကင်းစမှ တလအထိကို ကလေး ဒိုက်ဘာ မသုံးသင့်ပါ။

(၆)ကလေးချီတဲ့အခါ ဇက်နဲ့ ခါးကို အဓိကထိန်းပြီးချီပွေသင့်ပါတယ်။(မွေးကင်းစကလေးက ခါးတွေဇက်တွေ မနိုင်သေးလို့ပါ)

(၇)ကလေးနေရတာပေါ့ပါးစေမယ့် အဝတ်အစားမျိုးတွေကိုပဲ ဝတ်ဆင်ပေးပါ။(အနှီး သို့မဟုတ် ချည်သားအင်္ကျီ ပွပွ လေးများ)

(၈)ကလေးရဲ့ ချက်ကို အဓိကထားကြည့်ပေးကာအညှော်မမိစေရန်နဲ့ ရေမဝင်စေရန် ချက်ကြွေပြီး အနာကျက်တဲ့ထိစောင့်ကြည့်ပေးပါ။

(၉)နုနယ်တဲ့ ငယ်ထိပ်ကို မထိခိုက်စေဖို့ ကလေး၆ လပြည့်မှ ဂတုံးတုံးသင့်ပါတယ်။

(၁၀) ကလေးရဲ့ ခြေထောက်တွေကို ကောက်နေမှာစိုးတယ်လို့ တွေးကာ ခြေထောက်ကို ဆန့်ပေးတာမျိုးတွေလဲ မလုပ်ရပါဘူး။

ကလေးမွေးပြီး တာနဲ့ကိုယ့်ကလေးကို ချစ်ကြတာ မိဘတိုင်းရဲ့ သဘာဝပါ။

ဒါပေမဲ့ ချစ်နေယုံနဲ့ မပြီးသေးပါဘူး။မိမိရင်သွေးလေး မွေးလာတဲ့အခါမှာ အခုလို အချက်အလက်တွေကို လိုက်နာရှောင်ကြဉ်ခြင်းအားဖြင့် မွေးကင်းစကလေးငယ်လေးတွေအတွက် ကျန်းမာရေးနှင့် လူနေမှုဘဝတိုးတက်စေဖို့ ရည်ရွယ်ညွှန်ပြလိုက်ရပါတယ်။

#frankiestories
#littleworld