🔆 မြတ်ဗုဒ္ဓ၏ အနမတဂ္ဂဒေသနာ

သံသရာဆိုတာ ကြာလှပြီ။

ဒီလောက်ကြာတဲ့ သံသရာကြီး...
တို့ငြီးငွေ့ထိုက်ပြီ လို့ မြတ်စွာဘုရားက ဟောတယ်။

မင်းတို့မှာ သံသရာကြီးကိုပြန်ကြည့်လိုက်…
ဒီ့ပြင်ဟာတွေ မကြည့်နဲ့ … ခေါင်းအဖြတ်ခံရလို့  သေခဲ့ရတဲ့ဘဝတွေကိုပဲ ကြည့်။

▪️ဇက်ပြတ်လို့ ခန္ဓာကိုယ်ကထွက်လာတဲ့ သွေးတွေဟာပင်လယ်သမုဒ္ဒရာထဲကရေတွေထက် များသေးတယ် တဲ့။
▪️တစ်ဘဝတင် မဟုတ်ဘူး၊ ဇက်ပြတ် ပြီးတော့ သေခဲ့ရလို့ထွက်ခဲ့ရတဲ့သွေးတွေဟာ ပင်လယ်သမုဒ္ဒရာထဲကရေထက်များတယ် ဆိုတာကို မင်းတို့တွေးကြည့်၊ ဆင်ခြင်ကြည့် တဲ့။

အဝိဇ္ဇာ၊ တဏှာ နှောင်ကြိုးတွေနဲ့ ချည်နှောင်ထားခြင်းခံနေရတဲ့သတ္တဝါတွေဟာ သံသရာထဲ လွတ်လပ်စွာ ကျင်လည်နေရတာ မဟုတ်ကြဘူး။

အဝိဇ္ဇာ လက်ချက်က မသိဘဲ သွားနေရတယ်။ တဏှာဆိုတဲ့ တွယ်တာမှုကြီးက တုတ်ချည်ထားသေးတယ်။

မြတ်စွာဘုရား က ဥပမာလေးပေးတယ်။

ဇဗ္ဗူဒိပ်ကျွန်းမှာဖြစ်တဲ့ သစ်ခက် သစ်ရွက်တွေကို
လက်လေးသစ်စီ ချထားတဲ့…

ဒါက အမေ...အမေ့ရဲ့အမေ
ဒါက အမေ့..အမေရဲ့ အမေ ...ဆိုပြီး ရေတွက်သွားတဲ့။

သစ်ရွက်တွေ၊ မြက်တွေသာ ကုန်သွားမယ်။
အမေတွေက မကုန်သေးဘူးတဲ့။

သံသရာရှည်တာကို ပြောလိုခြင်းပဲ ဖြစ်တယ် ပေါ့။

ချစ်သားရဟန်းတို့ သံသရာထဲ ကျင်လည်ခဲ့ရာ၌
ဒုက္ခတွေမျိုးစုံ ကြုံတွေ့ ခံစားခဲ့ရတာ ကြာလှပြီတဲ့။

မြတ်စွာဘုရား က တွယ်တာတပ်မက်မှုတွေမှ ကင်းလွတ်ဖို့ ကြိုးစား သင့်ပြီတဲ့။

ဘဝ သင်္ခါရ ဒုက္ခ ကို ငြီးငွေ့သင့်ပြီ။

ပုထုဇဉ်တွေက ငြီးငွေ့ဖို့ မဟုတ်ဘဲ အသစ်သစ် ရှာနေကြတယ်။

ဒီသင်္ခါရတရားတွေကို ငြီးငွေ့ဖို့ သင့်ပြီ တဲ့။

တရားချစ်ခင်သူတော်စင်အပေါင်းတို့…..

မြတ်ဗုဒ္ဓ တရားတော်တွေကို နာယူမှတ်သားရပြီး တို့တတွေ ရခဲ့တဲ့ အရာတွေဟာ သံသရာထဲ ခံစား စံစားပြီးပြီ။

▪️တော်လောက်ပြီ...ရှေ့ဆက်မကြိုးစားတော့နဲ့လို့
▪️ကိုယ့်ကိုယ်ကိုယ် ဒီဒုက္ခတွေမှ ငါတို့လွတ်မြောက်အောင် ကြိုးစားမှ ဖြစ်တော့မယ်လို့

ကိုယ်စီကိုယ်စီ သတိထားပြီး
ကြိုးစား အားထုတ်နိုင်ကြပါစေကုန်သတည်း...

ပါမောက္ခချုပ်ဆရာတော်ဘုရားကြီး
#ဒေါက်တာဘဒ္ဒန္တနန္ဒမာလာဘိဝံသ
🙏🙏🙏