Forex Trading ဆိုတာဘာလဲ ?
Forex ဆိုတာ Foreign Exchange ကို အတိုကောက်ခေါ်ဝေါ်ြခင်ဖြစ်တယ်။ FX လို့ခေါ်ကြတဲ့သူတွေလဲရှိကြပါတယ်။ Forex Trading ကိုမြန်မာလိုပြောရင်တော့ နိုင်ငံခြား ငွေကြေးလဲလှယ်ရောင်းဝယ်ခြင်းပါ။
ကျွန်တော်တို့ အပြင်မှာ နိုင်ငံခြားငွေ လိုချင်ပြီးဆို ငွေလဲကောင်တာသွားပြီး လိုချင်တဲ့ နိုင်ငံခြားငွေကို လဲလှယ်ဝယ်ယူကြတာနဲ့ အတူတူပါပဲ။
ဥပမာ ကိုယ်က ဒေါ်လာ ကို ဝယ်မယ်ဆိုပါစို့ ငွေလဲကောင်တာမှာ ၁ဒေါ်လာကို မြန်မာငွေ ၂၅၀၀ ကျပ် နဲ့ ဝယ်လိုက်တယ်ဆိုပါစို့ နောက်နေ့ မှာ ဈေးတက်လို့ ကိုယ်ဝယ်ထားတဲ့ ဒေါ်လာကို ပြန်ထုတ်ရောင်းတဲ့ အချိန်မှာ ၁ဒေါ်လာကို ၂၈၀၀ကျပ်နဲ့ ရတယ်ဆို ၃၀၀ကျပ် အမြတ်ရပါမယ်။အဲ့ထက်နည်းပြီး ပြန်ထုတ်ရောင်းမယ်ဆိုရင်တော့ အရှုံးပေါ်မယ်ပေါ့။
ထိုနည်းတူပဲ Forex Trading ဆိုတာ ငွေလဲကောင်တာမှာ ကိုယ်ရောင်းဝယ်ချင်တဲ့ နိုင်ငံခြားငွေကြေးများ ကို လဲလှယ် ရောင်းဝယ်ကြသလိုပဲ ကောင်တာမှာမဟုတ်ပဲ အင်တာနက်(Online)ပေါ်မှာ အရောင်းအဝယ်လုပ်လာနိုင်ပြီးဖြစ်ပါတယ်။
Forex Market
အထက်မှာ ပြောပြခဲ့တာကတော့ တိုတိုနဲ့နားလည်လွယ်အောင် ရှင်းပြခဲ့တာပါ။ Forex Market ဆိုတာ ကမ္ဘာလုံးဆိုင်ရာဘဏ္ဍာရေး ဈေးကွက်က ငွေကြေးတွေကို ကုန်သွယ်ခွင့်ပေးတဲ့ ကမ္ဘာ့ အ ကြီး ဆုံဘဏ္ဍာရေး ဈေးကွက်ပါ။ အဲ့ဒီဈေးကွက်ကြီးဟာ တပတ်လျှင် ၅ရက် နှင့် တစ်ရက်လျှင် ၂၄နာရီပတ်လုံး ကုန်သွယ်မှုလုပ်နိုင် တဲ့ ဘဏ္ဍာရေးဗဟိုဌာန(NYSE-New York Stock Exchange၊ London၊ Germany ၊ Hong Kong ၊Tokyo ၊ Sydney) များဖြင့် လည်ပတ်နေတာပါ။
Forex Market မှာ လည်ပတ်နေတဲ့ ကုန်သွယ်မှုပမဏဟာ ၆.၆ ထရီလီယံ ရှိတယ်လို့လဲဆိုကြပါတယ်။
Forex Market မှာဘာတွေ ရောင်းဝယ်ကြလဲ?
Forex Market မှာ နိုင်ငံခြားငွေးကြေးအမျိုးမျိုးကို ရောင်းဝယ် လို့ရနိုင်ပါတယ်။ ကမ္ဘာ့နိုင်ငံအသီးသီးရဲ့ ဖြစ်ပေါ်ပြောင်းလဲနေတဲ့ စီးပွားရေး အတက်အကျပေါ်မူတည်ပြီး ကမ္ဘာ့ငွေကြေးဈေးကွက်ဟာလဲ အတက်အကျနဲ့ ဖြစ်ပေါ်ပြောင်းလဲနေပါတယ်။ ထို့ကြောင့် သင့်ဟာ Forex market မှာ ငွေကြေးတခုခုကို ရောင်း/ဝယ် လိုက်ခြင်းဟာ အဲ့ဒီနိုင်ငံရဲ့ စီးပွားရေးမှာ တစ်စိတ်တစ်ဒေသ ရင်းနှီးမြုပ်နှံလိုက်တဲ့ သဘောပါပဲ။ ကိုယ့်ရောင်း/ဝယ်မဲ့ ငွေကြေးကို မရောင်း/မဝယ်ခင်မှာ လက်ရှိဖြစ်ပေါ်နေတဲ့ စီးပွားရေးသတင်းအချက်လက်ပေါ်မူတည်ပြီး သေချာ တွက်ချက်ပြီးမှ ရောင်း/ဝယ် လုပ်ကြတာမျိုးပါ။ ဒါကိုကြည့်ခြင်းဖြင့် Forex Tradingဟာ လောင်းကစား လို့ ထင်မြင်ယူဆ နေတဲ့ အမြင်ကိုတော့ ဖျောင်ဖျက်ပြစ်လိုက်နိုင်မယ်လို့ ထင်ပါတယ်။
Forex Market ပေါ်မှာ နိုင်ငံတော်တော်များများရဲ့ ငွေကြေးတွေကို ရောင်း/ဝယ်လို့ရနိုင်ပြီး စီးပွားရေးဖွံ့ဖြိုးတဲ့ နိုင်ငံကြီးတွေရဲ့ ငွေကြေးကို အဓိကထားပြီး ရောင်း/ဝယ် မှုကတော့ ပိုများပါတယ်။
