“ကုန်းဘောင်မင်းဆက် (၁၁)ဆက်”
•••••••••••••••••••••••••••
မြန်မာသမိုင်းတွင် တိုင်းပြည်တစ်လုံးတစ်စည်းတည်း ရှိစေရန် လေးကြိမ်မျှ စည်းရုံးခဲ့ရသည်။
၁။ အနော်ရထာမင်း၊
၂။ ဘုရင့်နောင်၊
၃။ ဦးအောင်ဇေယျ၊
၄။ ဗိုလ်ချူပ်အောင်ဆန်းတို့၏ လက်ထက်တွင် ထိုသို့သော လွတ်လပ်စွာ စည်းရုံးမှုများ အောင်မြင်ခဲ့သည်။
မြန်မာနိုင်ငံတော်ကြီးကို တတိယအကြိမ် စည်းရုံးခဲ့သော ဦးအောင်ဇေယျမှသည် သီပေါမင်းအထိ မင်း (၁၁)ပါးတို့၏ ကုန်းဘောင်မင်းဆက်မှာ သက္ကရာဇ် ၁၁၁၄-ခုမှ၊ ၁၂၄၇-ခုနှစ်အထိ နှစ်ပေါင်း ၁၃၃-နှစ် ရှည်ခဲ့၏။
ဤမင်းဆက်ကို မုဆိုးဘို၊ ရန်ကြီးအောင်၊ ကုန်းဘောင်၊ ရတနာသိင်္ခ၊ ရွှေဘိုဟု နာမည်အမျိုးမျိုး မှည့်ခေါ်သော ကုန်းဘောင်မြို့မှ အလောင်ဘုရားကြီး ဦးအောင်ဇေယျ စတင်တည်ထောင်ခဲ့သဖြင့် ကုန်းဘောင်မင်းဆက်ဟု ခေါ်တွင်သည်။
ထိုကုန်းဘောင်မင်းတို့တွင်—
၁။ အလောင်ဘုရားဦးအောင်ဇေယျ။
၂။ နောင်တော်ကြီး။
၃။ ဆင်ဖြူရှင်။
၄။ စဉ့်ကူးမင်း။
၅။ ဖောင်းကားစား မောင်မောင်။
၆။ ဘိုးတော်ဘုရား။
၇။ ဘကြီးတော်ဘုရား။
၈။ သာယာဝတီမင်း။
၉။ ပုဂံမင်း။
၁၀။ မင်းတုန်းနှင့်
၁၁။ သီးပေါမင်းတို့ ဖြစ်ကြသည်။
… … … … …
“ကုန်းဘောင်မင်းဆက် တေးထပ်”
----------------------------------------
(၁) ဦးအောင်ဇေ အမှူးမြောက်၊
ထူးတစ်ယောက် တင်မူ။
(၂) ဦးလောက်,ပ ဘုရင်တစ်ဆူ၊
(၃)ဆင်ဖြူရှင် တခန်း။
(၄) စဉ့်ကူးမင်း ကောင်းစားမီ၊
(၅) ဖောင်းကားညီ လုတဲ့ရွှေနန်း။
(၆) ဦးဝိုင်း,ပ ပထမခေါင်ပျော်၊
(၇) မြနောင်တော် ရေဖျန်း။
အမရဆောင်ပေါ် ဗွေကြငှန်းမှာလ၊
ရွှေစာတမ်း ဖွဲ့ပြန်။
(၈) ကုန်ဘောင်ပျော် နေလိုဝင်း၊
(၉) ရွှေဘိုမင်း သားမြတ်ပုဂံ။
ချမ်းအေးဖို့ ပန်းမွှေးပန်၊
မန္တလေးစံ တောင်လက်ရုံးရယ်နှင့်၊
(၁၀) မင်းတုန်းမင်း (၁၁) သီပေါအရှင်၊
ထီးနှင့် ပလ္လင်။
ဆယ့်တဆက် အုပ်စိုးတင်၊
မုဆိုးဘုရင် စခန်းမို့လေး။ ။

ကုန်းဘောင်ရှာပုံတော်မှ ကောက်နုတ်ချက်