ယူရို 3 Billon တန်ကြေးရှိ Bitcoins တွေနဲ့ ဖမ်းခံလိုက်ရတဲ့ တရုတ်ကမုန့်ပို့တဲ့ အမျိုးသမီးတစ်ဦး

တရုတ်နိုင်ငံက မုန့်ပို့သူ အမျိုးသမီးတစ်ဦးဟာ လန်ဒန်မြို့က ဈေးအကြီးဆုံးတိုက်ခန်းတွေထဲက တစ်ခုဖြစ်တဲ့ ယူရို ၂၈ သန်းတန် အိမ်တစ်ခုကို ဝယ်ယူဖို့ကြိုးစားခဲ့ရာကနေ Crypto အမှုတွေကို နောက်ကြောင်းပြန်စုံစမ်းခံရပြီး ဖမ်းခံလိုက်ရပါတယ်။

အသက် ၄၂ နှစ်ရှိပြီဖြစ်တဲ့ Jian Wen ဆိုတဲ့အမျိုးသမီးမှာ အိပ်ခန်း ၇ ခန်း၊ ရေကူးကန်တွေ၊ Private Cinema နဲ့ Gym တွေပါပါဝင်တဲ့ Mansion ကြီးတစ်ခုကို ဝယ်ယူဖို့ကြိုးစားခဲ့သလို၊ ဒူဘိုင်းမှာလည်း ဒေါ်လာ ၅ သိန်းတန် အခန်း ၂ ခန်းပိုင်ဆိုင်ထားပါသေးတယ်။ ဒါ့အပြင် ၁၈ရာစုတုန်းကလည်း ရှိခဲ့ဖူးတဲ့ အီတလီက ရဲတိုက်ကြီးတစ်ခုကိုလည်း ယူရို ၁၀ သန်းပေးပြီး ဝယ်ဖို့ကြိုးစားတာမျိုးရှိပါတယ်။

2013-2014 ဝန်းကျင်ကစလို့ Jian Wen အနေနဲ့ Crypto နဲ့ပတ်သက်တဲ့ အရောင်းအဝယ်တွေပြုလုပ်ခဲ့ပြီး ငွေဖြူငွေမဲခဝါချမှုတွေ ကြူးလွန်ခဲ့တယ်လို့ ဆိုပါတယ်။ သူမဟာ E-Class Mercedes ကားအပြင်၊ ကမ္ဘာပတ်ပြီး ဒီဇိုင်နာအဝတ်အစားတွေနဲ့ တန်ဖိုးကြီး စားသောက်ဆိုင်တွေမှာ စားသောက်တာမျိုးတွေလည်း လုပ်ခဲ့ပါတယ်။

Jian Wen ဟာ Crypto မလုပ်ခင်က တရုတ်နိုင်ငံက ကြက်ကြော်ဆိုင်တစ်ခုမှာ အစားအသောက်ပို့တဲ့သူအဖြစ် အလုပ်လုပ်ပြီး အတော်လေး ယဥ်ကျေးမှုရှိတဲ့မိသားစုကပါ။ နောက်ပြီးသူမဟာ ဥပေဒေနဲ့စီးပွားရေးဒီပလိုမာလည်း ရရှိထားတဲ့ ပညာတတ်တစ်ယောက်ပါ။

သူမဒီလိုလုပ်မိတာဟာ ဘဝကို ဇိမ်ရှိရှိနဲ့ ကောင်းကောင်းမွန်မွန်ဖြန်သန်းချင်လို့ကလွဲပြီး ဘာရည်ရွယ်ချက်မှမရှိဘူးလို့ဆိုပါတယ်။ လောလောဆယ်မှာတော့ သူမဟာ ထောင် ၆ နှစ်နဲ့ ၈လ ကျခံနေရပါတယ်။