မစင်နဲ့ အမှိုက်တွေထည့်ထားတဲ့ မြောက်ကိုရီးယားမိုးပျံပူဖောင်း အနည်းဆုံး ၂၆၀ လုံး တောင်ကိုရီးယားဘက်သို့ ကျရောက်
စက္ကူစုတ်တွေ၊ မစင်တွေ၊ အမှိုက်သရိုက်တွေ ထည့်ပြီး မြောက်ကိုရီးယားဘက်ကနေ လွှတ်တင်လိုက်တဲ့ မိုးပျံပူဖောင်းတွေ တောင်ကိုရီးယားဘက်ကို ကျလာခဲ့လို့ ပြည်သူတွေအနေနဲ့ မိုးပျံပူဖောင်းတွေကို ထိကိုင်ခြင်း မလုပ်ကြဘဲ အိမ်ထဲမှာပဲ နေကြဖို့ တောင်ကိုရီးယားအာဏာပိုင်တွေက သတိပေးထားပါတယ်။
တောင်ကိုရီးယားနိုင်ငံရဲ့ ပြည်နယ် ၉ ခုအနက် ပြည်နယ် ၈ ခုမှာ အဖြူရောင် မိုးပျံပူဖောင်း အလုံးရေ အနည်းဆုံး ၂၈၀ အထိ တွေ့ရှိခဲ့တာပါ။ တောင်ကိုရီးယားနဲ့ မြောက်ကိုရီးယားတို့ဟာ ကိုရီးယားစစ်ပွဲနောက်ပိုင်း ဝါဒဖြန့်ဖို့အတွက် မိုးပျံပူဖောင်းတွေကို အသုံးပြုခဲ့ကြပြီး အခု ကျလာတဲ့ မိုးပျံပူဖောင်းတွေထဲမှာ ဝါဒဖြန့်တဲ့ စာရွက်တွေ ပါဝင်လာခြင်း ရှိ၊ မရှိကို တောင်ကိုရီးယားစစ်ဘက်ဆိုင်ရာ အရာရှိတွေက စုံစမ်းစစ်ဆေးလျက်ရှိပါတယ်။
