Google Flights ကိုသုံးပြီး ဈေးအချိုဆုံး လေယာဥ်လက်မှတ်၊
ဟော်တယ် ဘယ်လိုရှာကြမလဲ???

၂၀၁၁ ခုနှစ်တုန်းက စပြီးမိတ်ဆက်ထားတဲ့ Google Flights မှာ လေယာဥ်လက်မှတ်ရှာတာတွေ၊ ဟော်တယ်တွေငှားဖို့အတွက် ရှာတာတွေ၊ သွားပြီး လည်ပတ်ဖို့နေရာတွေကို booking ယူတာမျိုးတွေလုပ်လို့ရပါတယ်။ ဒါပေမယ့်လောလောဆယ်မှာတော့ Google Flights ကို Browser ကနေပဲသုံးလို့ရပြီး App သပ်သပ်ထွက်ထားတာမျိုးမရှိပါဘူး။ ဒါပေမယ့် ဖုန်းနဲ့ရော၊ Desktop နဲ့ပါသုံးရတာအဆင်ပြေပါတယ်။

ဒီနေရာမှာ ကြိုပြောလိုတာက Google Flights အနေနဲ့ ယုံကြည်ရတဲ့ Website တွေက ဈေးနှုန်း ဒေတာတွေကို စုပြီးပြတာဖြစ်လို့ တစ်ကယ်လို့ လက်မှတ်တွေဝယ်ဖြစ်တယ်၊ အခန်းတွေငှားဖြစ်တယ်ဆိုရင်တောင် မိတ်ဆွေအနေနဲ့ ပိုက်ဆံပေးတဲ့အခါ ကိုယ် Service ဝယ်တဲ့ Airline, Hotel ကိုပဲ ပိုက်ဆံပေးရမှာဖြစ်ပြီး Google ကိုတစ်ပြားမှမပေးရပါဘူး။ တစ်ကယ်လို့ ပြဿနာတစ်စုံတစ်ရာဖြစ်ခဲ့တယ်ဆိုရင်လည်း သက်ဆိုင်ရာ Service Provider နဲ့ပဲ ဆက်သွယ်ပြောဆိုရမှာပါ။

Google Flights ကိုသုံးမယ်ဆိုရင် Browser တစ်ခုခုမှာ Google Flights လို့ရိုက်ရှာလိုက်ပြီး အပေါ်ဆုံးက Link ကိုသာဝင်လိုက်ပါ။ ပြီးတာနဲ့ ကိုယ်သုံးချင်တာက Flight Ticket ဝယ်ချင်တာလား၊ ဟော်တယ်ငှားချင်တာလား၊ သွားလည်သင့်တဲ့နေရာတွေကို Recommand ပေးစေချင်တာလား စတဲ့ Options တွေအများကြီးကိုရွေးလို့ရပါတယ်။

လေယာဥ်လက်မှတ်ဝယ်တဲ့အခါ
Non-stop လား၊ Transit လား၊ ကြာချိန်၊ ဈေးနှုန်းအပြင် CO2 Emission ဘယ်လောက်ဆိုတာပါတွက်ပေးလို့ ပတ်ဝန်းကျင်ထိခိုက်မှာလည်းကြောက်တယ်၊ လေယာဥ်လည်းစီးရဦးမယ်ဆိုတဲ့သူတွေအတွက်အဆင်ပြေပါတယ်။

မိုးရာသီဝင်လာပြီဆိုတော့ ခရီးသွားရာသီကုန်စပြုနေပြီဆိုပေမယ့် မကြာခင်ရောက်လာမယ့် ပွင့်လင်းရာသီအတွက် လက်မှတ်တွေကြိုဝယ်ထားချင်တယ်ဆိုရင်တော့ ခုပြောပြလိုက်တဲ့ Google Flights ကို ခရီးစီစဥ်တာအစ၊ လေယာဥ်လက်မှတ်ဝယ်တာအလည်၊ ဟော်တယ်ငှားတာအဆုံး သုံးကြည့်ကြဖို့
အကြံပေးလိုက်ရပါတယ်။